Foto: Tótenshe jaǵdailar ministrligi
Tótenshe jaǵdailar ministri Syrym Sháriphanov Astana irgesindegi qamys órtine qatysty túsinikteme berdi, dep habarlaidy Sputnik Qazaqstan.
Onyń aitýynsha, qamys órtiniń neden tutanǵanyn arnaiy qurylǵan komissiia anyqtaidy. Ázirge bir nárse aitý erte.
"Bul jerde faktor kóp. Bálkim, áldekim temeki tartqan shyǵar, laqtyrǵan bótelkeniń optikalyq áseri bolar, qasaqana órt qoiǵan da shyǵar. Bári bolýy múmkin. Eshkim kepildik bere almaidy", - deidi Sháriphanov Parlament palatalarynyń birlesken otyrysynyń kýlýarynda jýrnalister suraǵyna jaýap berip.
Jýrnalister órttiń qashan tolyǵymen sónetinin surady.
"Boljammen bir apta nemese eki aptaǵa sozylýy múmkin. Bári syrtqy faktorlarǵa, bizdiń bólimshelerdiń jumysyna jáne aýa raiyna bailanysty", - dedi ministr.
Onyń aitýynsha, qazir jaǵdai turaqty. Qamys órtiniń órshýine jeldiń kúsheiýi áser etken.
Eske salsaq, 19 maýsymda Astana irgesinde Qorǵaljyn tasjoly men Qosshy qalasyna qarai ainalma joldyń arasynda qamys pen qurǵaq shóp órtendi. Saldarynan qalany qoiý tútin basyp, dárigerler turǵyndarǵa úiden shyqpaýǵa keńes bergen edi.
