QR Ekologiia, geologiia jáne tabiǵi resýrstar ministri Maǵzum Myrzaǵaliev Alakólge lai sý aǵyzý oqiǵasy boiynsha túsinik berdi, dep habarlaidy "Ult aqparat".
«Bul oqiǵaǵa qatysty is sotqa joldanǵan. Biz qyzmetin toqtata turý usynysymen olardy sotqa berdik. Sebebi atalǵan kásiporynda tiisti ekologiialyq ruqsat bolmaǵan. Osy sharalardyń barlyǵy Ákimshilik kodekspen retteledi. Sonymen qatar, buǵan deiin salynatyn aiyppul somasy tym az degen ýáj aitylǵan bolatyn. Endi qyzmetin toqtata turý boiynsha sotqa bergenimizdi atap ótkim keledi», - dedi M. Myrzaǵaliev Májiliste tilshiler saýalyna jaýap bere otyryp.
Esterińizge sala keteiik, Almaty oblysyndaǵy Alakólge qubyr arqyly lai sý tógilip jatqany buǵan deiin habarlanǵan bolatyn. Áleýmettik jelige taraǵan video halyqtyń narazylyǵyn týdyrdy.
QR Ekologiia, geologiia jáne tabiǵi resýrstar ministri Maǵzum Myrzaǵaliev bul jaǵdaiǵa kináliler jazalanatynyn aitty.
Alakólge lai sý aǵyzǵan demalys ornyna 75 myń teńge aiyppul salynǵany belgili boldy.
Sondai-aq, kólge las sý aǵyzǵan qonaqúi jabylýy múmkin ekendigin habarlaǵan bolatynbyz.
