Aqtóbe-Maqat tasjolyndaǵy 300 shaqyrymǵa sozylǵan ekijolaqty joldy jóndeýge 240 million dollardan asa qarajat kerek. QR investitsiialar jáne damý ministri Jeńis Qasymbek nelikten osynshama qarajattyń qajet ekenin túsindirip berdi, - dep habarlaidy kaz.tengrinews.kz tilshisi.
"Qaita jóndeletin 299 shaqyrym jolda 150-den asa túrli injenerlik qurylys, 11 ótpe jol, 39 mal aidaý joldaryna arnalǵan jumystar júrgiziledi. Bul tek ekijolaqty jol emes, ol eni 15 metrge deiin sozylǵan jer tósemi. 13 tonnadai asfalt tóseledi. Búginde ol aýmaqta 6-8 tonna asfalt jatyr, iaǵni, joldyń sapasy qazirgi joldardyń sapasynan jaqsarady", - dedi ministr.
Ministrdiń aitýynsha, Eýropada joldardyń baǵasy árbir shaqyrym úshin bizden qaraǵanda 8-10 esege, al Reseide 1,5 - 2 esege qymbat.
