Densaýlyq saqtaý ministri Aleksei Tsoi elordada tis emhanasyna barǵannan keiin komaǵa túsip, 1,5 jyldan keiin kóz jumǵan búldirshinge qatysty pikir bildirdi, dep habarlaidy QazAqparat.
«Bul is erekshe baqylaýda boldy. Ókinishke orai kishkentai qyz qaitys boldy. 2020 jylǵy 9 sáýirde sot atalǵan stomatologiialyq ortalyqtyń qyzmetine tyiym salýdy, litsenziiasyn qaitaryp alýdy úkim etken bolatyn. Sot zalynda ata-analarynyń ózderi meditsinalyq uiymǵa talaptary joq ekendigin málimdep, atalǵan uiymnyń qyzmetin toqtatpaýdy ótindi», - dedi ministr Ortalyq kommýnikatsiialar qyzmetindegi brifing barysynda BAQ ókilderiniń saýalyn orai.
Degenmen, ol kez kelgen zań buzýshylyq, der ýaqytynda tiimdi kómek almaý faktisi boiynsha shaǵymdanýǵa bolatyndyǵyn basa aitty.
«Mundai shaǵymdardy qaraityn jáne qyzmetin toqtatýdan basap, sotqa shaǵym berýge deiingi barlyq tiisti protsedýrany qabyldaityn aýmaqtyq departamentterimiz, Farmatsevtikalyq baqylaý komitetimiz bar. Sondyqtan, eger mundai jaittar bolsa, onda azamattar zańdy tártippen shaǵymmen júginýi qajet. Olar qaralady», - dedi Aleksei Tsoi.
Eske salaiyq, 2020 jyldyń qańtar aiynda elorda turǵyny Anastasiia Zelenaia eki jarym jastaǵy balasy stomatologiialyq klinikaǵa qaralǵannan keiin es-tússiz kúige túskenin habarlaǵan bolatyn.
Osydan keiin tis emhanasyna tekserý júrgizilip birqatar kemshilik anyqtalǵan edi. Al 21 maýsymda Anastasiia Zelenaia Instagram paraqshasynda sábiinen aiyrylyp qalǵanyn jazdy.
