Mindetti zeinetaqy jarnalary men áleýmettiek aýdarymdar tarifi ózgeredi. Bul týraly «Azamattarǵa arnalǵan Úkimet» memlekettik korporatsiiasy Zeinetaqy jáne áleýmettik qamtamasyz etý jónindegi ortalyq filialynyń direktory Asqar Musan aitty, dep habarlaidy "Ult aqparat".
«Qazirgi ýaqytta zeinetaqy boiynsha jylyna shamamen 52 myń ótinim, áleýmettik tólemder boiynsha shamamen 30 myń ótinim qate aýdarymdarǵa bailanysty óńdeledi. Iaǵni, qate aýdarylǵan tólemder jumys berýshiniń esepshotyna qaitarylady. Sodan keiin olar qateligin túzetip, jumys berýshi úshin qaitadan tólem jasai alady. Býhgalterler qatelesetin jaittar da kezdesedi. Bizge ótinim jazǵannan keiin somany qaitaramyz. Tolyqtai alǵanda osy jyly zeinetaqy men áleýmettik tólemder boiynsha 10 mlrd teńgeni qaitaramyz. Naqty aitqanda mindetti áleýmettik tólem boiynsha - shamamen 4 mlrd teńge, mindetti zeinetaqy jarnasy boiynsha - shamamen 6 mlrd teńge jumys berýshiniń esepshotyna qaitarylady. Tarifter respýblikalyq biýdjet qarajaty esebinen memleket tarapynan óteledi», - dedi ol.
Onyń atap ótýinshe, Esep komiteti tarapynan atalǵan tarifterdi qysqartý týraly uiǵarym kelip túsken. Soǵan orai tarifter qaita qaralyp otyr.
«Buǵan deiin ortashalandyrylǵan tarif bolatyn. Endi biz bul tarifti eki quramǵa bólip otyrmyz. Iaǵni, bankterden qaitarylǵany úshin qansha bolatynyn jáne ótinish boiynsha qansha qaitarylatynyn jeke naqtyladyq. Eger buǵan deiin bizdegi mindetti zeinetaqy boiynsha tarif - 403 teńge bolsa, endigi ýaqytta ol bankterden qaitarylǵany úshin - 262 teńge jáne ótinish boiynsha - 1 417 teńge bolady», - dedi Asqar Musan.
