Óner týyndylarynyń kollektsiialaryn jiiýshy Eidrian Chen (Adrian Cheng) koronavirýs pandemiiasyna qarsy kúres kezinde Gonkong turǵyndaryna milliondaǵan meditsinalyq maskany tegin taratady. Bul maqsatta 35 saýda avtomaty salynbaq. Olar Gonkongtyń túrli bólikterinde ornatylady, dep habarlaidy CNN.
Biznes imperiianyń murageri Chen maskalardyń birinshi partiiasy álsiz adamdar toptary men tabysy tómen otbasylarǵa taratylatynyn málim etti. Olarǵa maskalardy avtomattardan alý úshin arnaiy smart kartalar beriledi.
Aziianyń basqa birneshe elderi siiaqty, Gonkong ta óz turǵyndaryna Covid-19 koronavirýsy órshigen kezden bastap mindetti túrde maska taǵýdy keńes etken.
Chen New World Development kompaniiasynyń bas direktory ári atqarýshy vitse-tóraǵasy, sonymen qatar óner týyndylaryn tanymal jiiýshy.
Byltyr ol Gonkongta óziniń jarqyn sáýlet jáne ónerimen keńinen tanymal bolǵan K11 Musea saýda ortalyǵyn ashty. Forbes Chen otbasynyń dáýletin 20,7 milliard dollarǵa baǵalap otyr.
Maskalardy taratý avtomattary sáýirdiń sońynda qalanyń 18 aýdanynda ornalastyrylady.
Johns Hopkins University málimetterinshe, qazirgi kezde Gonkongta indetke shaldyǵýdyń 1000-ǵa jýyq oqiǵasy tirkelip, virýstan tórt adam qaitys bolǵan.
