Tokio Olimipadasynda sporttyq gimnastikadan jekelegen snariadtar boiynsha finaldyq kezeń bastaldy.
Búgin erkin jattyǵýdan Olimpiada chempiondary men júldegerleri anyqtaldy, dep jazady Olympic.kz.
Bul jattyǵýdyń finaldyq kezeńinde Qazaqstandyq gimnast Milad Karimi de synǵa túsken bolatyn. Karimi óz baǵdarlamasyn oryndaý barysynda kishigirim qatelikter jiberip, 14.133 upai jinady.
Jarys nátijesi boiynsha qazaqstandyq gimnast besinshi orynǵa turaqtady.
Aita ketelik, bul sporttyq gimnastikadan Qazaqstan komandasy ókilderiniń Olimpiada oiyndarynda kórsetip otyrǵan eń úlken nátijeleriniń biri. Ásirese, Milad Karimi erkin jattyǵýdan Olimpiadada úzdik bestikke engen alǵashqy qazaqstandyq gimnast.
Ol Tokio Olimpiadasyndaǵy kópsaiys qorytyndysy boiynsha 14-shi orynǵa turaqtady. Endi Karimi gimnastikalyq kerme boiynsha Olimpiada júldesine talasady.
