Parlament Májilisiniń jalpy otyrysynda Mihail Bortnik Respýblikalyq biýdjettiń atqarylýyn baqylaý jónindegi esep komitetiniń múshesi qyzmetine taǵaiyndaldy, dep habarlaidy "Ult aqparat".
«Ózderińiz bilesizder, Konstitýtsiiamyzdyń 57-babybynyń birinshi tarmaqshasyna sáikes, Parlamenttiń ár palatasy Respýblikalyq biýdjettiń atqarylýyn baqylaý jónindegi esep komitetiniń úsh múshesin 5 jyl merzimge qyzmetke taǵaiyndaidy. Osyǵan orai Konstitýtsiianyń 58-baby úshinshi tarmaǵynyń jetinshi tarmaqshasy negizinde Respýblikalyq biýdjettiń atqarylýyn baqylaý jónindegi esep komitetiniń múshesi qyzmetine Mihail Bortniktiń kandidatýrasyn usynamyn», - dedi Májilis tóraǵasy Nurlan Nyǵmatýlin.
Osy oraida ol M. Bortnik biraz jyl Parlament Senatynyń depýtaty qyzmetin atqarǵan eske saldy.
Palata depýtattary jalpy otyrysta atalǵan kandidatýrany qoldady.
Mihail Mihailovich Bortnik 1960 jyly dúniege kelgen. 1982 jyly Pavlodar indýstriialdy institýtyn, 2002 jyly Ortalyq Aziia ýniversitetin támamdaǵan. Ónerkásiptik jylý energetika injeneri, zańger.
1982-1998 jyldary Aqtaý qalasynda tehnikalyq qural-jabdyq jóndeý masteri. 1998-1999 jyldary Aqtaý qalasy ákiminiń orynbasary qyzmetin atqarǵan. 1999-2008 jyldary Mańǵystaý oblysy ákiminiń orynbasary. 2008 jyldyń qazan aiynan Mańǵystaý oblysynan sailanǵan Qazaqstan Respýblikasy Parlamenti Senatynyń depýtaty, Ekonomikalyq damý jáne kásipkerlik komitetiniń múshesi.
