Microsoft sarapshysy Nur-Sultanda ótetin IT-mamandaryna arnalǵan tehnologiialyq forýmda sóz sóileidi, dep habarlaidy "Ult aqparat".
Tibor Koleia, Microsoft Qazaqstan bas menedjeri 2019 jyly 24-25 qazanda Nur-Sultanda ótetin Digital Bridge halyqaralyq tehnologiialyq forýmynda ekspert retinde qatysady.
Microsoft ókili "Ortalyq Aziiadaǵy korporativtik innovatsiialar" paneldik pikirtalasqa qatysady jáne iri korporatsiialardyń jumysyna innovatsiialardy engizý tájiribesi, sondai-aq startap jobalar týraly aityp beredi. Forým uiymdastyrýshylary habarlaǵandai, atalǵan pikirtalasqa "AHQO Ákimshiligi" AQ Tsifrlyq tehnologiialar jónindegi basqarýshy direktory Ásel Jantasova jáne Plug and Play Tech Center vitse-prezidenti Sobhan Khani qatysady.
Forýmǵa qatysyp, talqylaýlarǵa qosylýǵa, sarapshylarǵa óz suraqtaryn qoiam deýshilerge - forým saitynda tegin tirkelýge bolady: http://digitalbridge.kz
Digital Bridge forýmynyń negizgi maqsaty - sandyq damý salasyndaǵy innovatsiialyq sheshimder men tájiribe almasý úshin dialog alańyn uiymdastyrý. Forým alańyndaǵy basty is-shara Next Tech Entrepreneur Forum sektsiiasy bolady, onyń sheńberinde forýmǵa qatysýshylar úshin túrli taqyryptarda ashyq talqylaýlar uiymdastyrylady: bolashaqtyń bilimi, venchýrlik qarjylandyrý, biznes-inkýbatsiialaý jáne t.b. qatysýshylar arasynda B2B kezdesýler uiymdastyrylady.
Forým kúnderi dástúrli túrde jyl saiynǵy Astana Hub Awards syilyǵy ótedi, ol Qazaqstannyń IT-indýstriiasyn damytýǵa qosqan úlesi úshin beriledi, sondai – aq Astana Hub Battle-tehnologiialyq startaptar arasyndaǵy jarystar.
Astana Hub Battle jarysynyń basty maqsaty - úzdik tehnologiialyq startap-jobalardy anyqtaý jáne olardy jobalardy damytý úshin aqshalai syilyqtarmen marapattaý. Astana Hub Battle júlde qory – 30,000 dollar, birinshi oryn — 15,000, ekinshi oryn — 10,000, úshinshi oryn — 5,000 dollar.
Astana Hub Awards syilyǵyn marapattaý rásimi 2019 jyly 25 qazanda Qazaqstan astanasynda ótedi. Syilyqtyń basty maqsaty – startaptardyń tabysty kásipkerlik bastamalaryn yntalandyrý, innovatsiialardy damytýǵa jáne qoldaý infraqurylymyn nyǵaitýǵa járdemdesý, sondai-aq Qazaqstanda IT-kásipkerlikti damytýǵa qoldaý kórsetý.
