Microsoft kompaniiasy Microsoft Translator tilder tobyna qazaq tiliniń de qosylǵanyn jariia etti, dep habarlaidy "Ult aqparat" Microsoft.com-ǵa silteme jasap.
«Tilge qatysty kedergini joiý jónindegi missiiamyzdy jalǵastyrý barysynda Microsoft Translator tilder tobyna qazaq tilin qosqanymyzdy qýana habarlaimyz. Belgili Qazaqsha ne Qazaq Tili Qazaqstanda, Qytaidyń batysynda, Mońǵoliianyń batysynda, Reseidiń ońtústiginde jáne álemniń basqa elderinde qoldanylady. Qazaqsha sóileitin 22 millionǵa jýyq adam bar», delingen álemdik kompaniianyń blogyndaǵy jazbada.
Taiaý arada qazaq tili Microsoft-tyń aýdarma jasaityn qoldanbalary, baptaýlary, Office baǵdarlamasy, Bing-ke arnalǵan aýdarmashyda jáne kásipkerler men men baǵdarlama jasaýshylarǵa arnalǵan Azure Cognitive Services aýdarma qyzmeti sekildi jobalarynda qoljetimdi bolmaq.
Endi internet paidalanýshysy kirilitsa álipbiimen terilgen mátindi Microsoft Translator-de qazaqsha nemese basqa 60 shaqty tilge aýdarýǵa múmkindigi bar.
Eske sala ketsek, 2014 jyly jeltoqsan aiynda «WikiBilim» qory qazaq tilin «Google Translate» júiesine qosýdy qolǵa alǵan bolatyn.
«Qazaq tiliniń Google aýdarma júiesine qosylýy júiede bar 90 tildiń arasynda sózderdi, sóz tirkesterin, mátinderdi jáne tutastai veb-paraqshalardy bir mezette ári tegin aýdarýǵa múmkindik beredi. Tehnologiialyq jaǵynan asa kúrdeli bul lingvistikalyq platformaǵa kire alǵan nebári 90 ǵana til bar», - dedi «Wikibilim» qoǵamdyq qorynyń jetekshisi Raýan Kenjehanuly.
