Microsoft kompaniiasy AQSh prezidenti Donald Tramp elde tanymal qosymshany paidalanýǵa tyiym salamyn dep málimdeme jasaǵannan keiin birneshe kún ótken soń, TikTok áleýmettik jelisiniń amerikalyq segmentin satyp alý týraly kelissózderdi jalǵastyrýǵa daiyn ekenin málimdedi, dep habarlaidy CNN agenttigi.
Jeksenbi kúni Microsoft kompaniiasy ózderiniń bas direktory Satia Nadellanyń AQSh prezidenti Tramppen qazirgi ýaqytta qytailyq ByteDance ielik etetin qosymshany satyp alý jaily talqylaǵanyn habarlady.
AQSh-tyń saiasi toptary birneshe apta boiy AQSh pen Qytai arasyndaǵy shielenistiń ýshyǵýyna bailanysty bul qosymshaǵa alańdaýshylyq bildirdi. Kóptegen adamdar atalǵan qosymsha ulttyq qaýipsizdikke qaýip tóndirýi múmkin dep sanaidy.
Óz málimdemesinde bul qosymsha tolyq qaýipsizdik saraptamasynan ótken jaǵdaida Microsoft kompaniiasy TikTok qosymshasyn satyp alýǵa daiyn ekenin rastady. Sondai-aq kelissózder barysynda Microsoft AQSh úkimetimen, onyń ishinde Prezidentpen dialogty jalǵastyrýǵa nietti ekeni málimdemede aitylǵan.
Microsoft «kez-kelgen jaǵdaiǵa» qaramastan, ByteDance-pen kelissózderdi 15 qyrkúiekten keshiktirmei aiaqtaitynyn aitty.
Sońǵy málimdemesinde TikTok servisiniń ókilderi qosymshanyń uzaq merzimdi tabysty bolatynyna senimdi ekenin, paidalanýshylar sany 1 milliardtan asatynyn atap ótti. Kompaniia qazirdiń ózinde AQSh-ta shamamen 1000 adamdy jaldaidy. Búkil el boiynsha taǵy 10 000 jumys ornyn qurýdy josparlap otyr. Servistiń Niý-Iork, Los-Andjeles, London, Parij, Berlin, Seýl, Tokio jáne álemniń basqa da qalalarynda ókildikteri bar.
