Foto:elements.envato.com
Bul týraly Senattyń kýlýarynda Saýda jáne integratsiia ministri Arman Shaqqaliev málimdedi. Onyń oiynsha, tamaqtaný oryndary qyzmeti úshin aqy almaýy kerek, óitkeni onyń quny taǵamdar men sýsyndardyń baǵasyna engen, dep habarlaidy "Ult aqparat".
"Biz ózgertýler daiyndap jatyrmyz. Eger qyzmet kórsetý quny taǵamdar men sýsyndardyń baǵasyna kirse, onda eshqandai qosymsha tólem bolmaýy kerek. Chekterden 10% qyzmet kórsetý aqysy alynyp tastalady. Eger bul soma qyzmet kórsetý qunyna engizilgen bolsa, nege eki ret tóleý kerek? Tek eger óz erkińizben shaipul bergińiz kelse ǵana bolady. Qyzmet unasa, siz ózińiz sheshim qabyldaisyz", — dep túsindirdi Shaqqaliev.
Ózgertýler qazan aiyna deiin daiyndalady, alaida kásipkerler bul ózgeristerge ártúrli reaktsiia bildirýde.
"Árine, keibiri qarsy, olar qosymsha tabys tabý múmkindiginen aiyrylǵylary kelmeidi... Bul qalypty reaktsiia, sondyqtan biz olarmen dialog júrgizýdemiz. Biz oiyn erejelerin naqty anyqtaǵymyz keledi: qai kezde bul qajettilik, al qai kezde artyq talap ekenin anyqtaý kerek", — dep qosty ministr.
Shaqqaliev sondai-aq tamaqtaný oryndaryndaǵy depozitter máselesine de toqtalyp ótti. Ministr klient aldyn ala eskertilgen jaǵdaida olardyń zańdy ekenin aitty.
"Eger kireberiste jalpyǵa birdei oferta bolsa (qyzmet kórsetý sharttary jazylǵan mátin), siz sol ofertany oqyp, kelisimińizdi bildiresiz", — dep qorytyndylady Saýda ministri.
