Jas jubailardy tikushaqtan meiramhana aldyna túsirgen ushqysh qyzmetinen shettetildi, dep habarlaidy "Ult aqparat".
QR Azamattyq aviatsiia komitetiniń aqparatyna qaraǵanda, oqiǵa shamamen Shý qalasynda bolǵan.
«2019 jyldyń 15 shildesinde birqatar BAQ-ta № UP-RB006 tirkeý nómirli R-44 tikushaǵyn qondyrý sáti beinelengen video jariialandy. «Falcon Avia» JShS-ne tiesili tikushaq eldi meken aýmaǵynda (shamamen Shý qalasy) qonǵan. Osylaisha, QR Investitsiialar jáne damý ministriniń mindetin atqarýshynyń 2017 jylǵy 28 shildedegi № 509 buiryǵymen bekitilgen azamattyq aviatsiiada ushý qaǵidalarynyń 423-tarmaǵynyń erejesi buzylǵan», - delingen azamattyq aviatsiia komitetiniń málimetinde.
Atalǵan oqiǵa boiynsha QR Azamattyq aviatsiia komiteti eldi meken aýmaǵyna qonýǵa jol bergen ushqysh A. V. Matvienkony ushýdan shettetti. Sondai-aq, «Falcon Avia» JShS-niń ushý protsesterin uiymdastyrý jumystaryn tekserý úshin inspektsiialyq komissiia jiberilgen.
Aita ketsek, áleýmettik jelilerde jas jubailardyń úilený toiyna tikushaqpen kelgen videosy taraǵan bolatyn.
