Jazda meiramhanalardyń ashýly máselesi ázirge ózekti emes. Bul týraly Ortalyq kommýnikatsiialar qyzmetinde ótken eldegi koronavirýstyq infektsiia boiynsha aǵymdaǵy jaǵdai, sonymen qatar Qazaqstandaǵy vaktsinalardyń sapasy men satyp alýlary týraly brifingte aityldy, dep habarlaidy QazAqparat.
«Ázirge jazda meiramhanalardyń ashylý-ashylmaý máselesi óte ózekti emes. Qazirgi ýaqytta epidemiologiialyq jaǵdaiǵa qaraý kerek. Jaqyn arada meiramhana men dámhanalardy ashý usynylmaidy», - deidi QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev.
Eske sala ketsek, buǵan deiin elimizdegi óńirlerge jol qashan ashylatyny týraly jazǵan bolatynbyz. Komitet tóraǵasynyń aitýynsha, barlyq baǵytqa joldyń ashylýy karantin talabyn qalai saqtaǵanymyzǵa jáne onyń nátijesi qalai bolatyndyǵyna bailanysty.
