On bir adamnan quralǵan otandyq estrada, kino jáne televiziia juldyzdary Qazaqstan fýtbol federatsiiasymen memorandýmǵa qol qoidy, dep habarlaidy QazAqparat QFF resmi saityna silteme jasap.
Juldyzdar qatarynda: Meirambek Besbaev, Erke Esmahan, Nurlan Qoianbaev, Ásel Sádýaqasova, Nurjan Kermenbaev, Lýina, Nurlan Espanov, Jániia Djýrinskaia, Marat Oralǵazin, Gúlnaz Jolanova, Aian Birbaev syndy ánshi-ártister bar. Tanymal tulǵalar federatsiia brendin jarnamalaityn boldy.
Brend-ambassador - uiym nemese kompaniianyń ónimin jarnamalap, tanymal etetin adam.
Tańdalǵan juldyzdardyń áleýmettik jelide myńdaǵan nemese milliondaǵan oqyrmany bar. Qazaqstan fýtbol federatsiiasy atalǵan ambassadorlardyń áleýmettik jelisi arqyly ulttyq qurama oiyndary men sharalaryn habarlaidy.
Brend-ambassadorlar óz mindetterine aldaǵy ýaqytta kirisedi. Olar ÝEFA-nyń jańa týrnirindegi Ulttar Ligasynda Qazaqstan men Grýziia arasyndaǵy oiyn týraly aldyn ala habarlaidy. Kezdesý 6 qyrkúiek kúni «Astana Arena» stadionynda ótedi.
