ون بٸر ادامنان قۇرالعان وتاندىق ەسترادا, كينو جەنە تەلەۆيزييا جۇلدىزدارى قازاقستان فۋتبول فەدەراتسيياسىمەن مەموراندۋمعا قول قويدى, دەپ حابارلايدى قازاقپارات قفف رەسمي سايتىنا سٸلتەمە جاساپ.
جۇلدىزدار قاتارىندا: مەيرامبەك بەسباەۆ, ەركە ەسماحان, نۇرلان قويانباەۆ, ەسەل سەدۋاقاسوۆا, نۇرجان كەرمەنباەۆ, لۋينا, نۇرلان ەسپانوۆ, جەنييا دجۋرينسكايا, مارات ورالعازين, گٷلناز جولانوۆا, ايان بٸرباەۆ سىندى ەنشٸ-ەرتٸستەر بار. تانىمال تۇلعالار فەدەراتسييا برەندٸن جارنامالايتىن بولدى.
برەند-امباسسادور - ۇيىم نەمەسە كومپانييانىڭ ٶنٸمٸن جارنامالاپ, تانىمال ەتەتٸن ادام.
تاڭدالعان جۇلدىزداردىڭ ەلەۋمەتتٸك جەلٸدە مىڭداعان نەمەسە ميلليونداعان وقىرمانى بار. قازاقستان فۋتبول فەدەراتسيياسى اتالعان امباسسادورلاردىڭ ەلەۋمەتتٸك جەلٸسٸ ارقىلى ۇلتتىق قۇراما ويىندارى مەن شارالارىن حابارلايدى.
برەند-امباسسادورلار ٶز مٸندەتتەرٸنە الداعى ۋاقىتتا كٸرٸسەدٸ. ولار ۋەفا-نىڭ جاڭا تۋرنيرٸندەگٸ ۇلتتار ليگاسىندا قازاقستان مەن گرۋزييا اراسىنداعى ويىن تۋرالى الدىن الا حابارلايدى. كەزدەسۋ 6 قىركٷيەك كٷنٸ «استانا ارەنا» ستاديونىندا ٶتەدٸ.
