Elordada kúres túrlerinen ótip jatqan álem chempionatynda Meirambek Ainaǵulov Tokioda ótetin Olimpiada oiyndarynyń litsenziiasyn jeńip aldy, dep habarlaidy "Ult aqparat" Olympic.kz-ke silteme jasap.
60 keli salmaq sanatynda boz kilemge shyqqan qazaq palýany buǵan deiin Braziliia atynan synǵa túsip júrgen burynǵy otandasymyz Marat Garipovty 2 minýttyń ishinde jeńip, al shirek finalda horvattyq Ivan Lizatovty 10-0 esebimen utty. Endi jartylai jinalda Meirambek reseilik álem chempiony Sergei Emelinmen beldesedi.
Buǵan deiin 77 kelide Ashat Dilmuhamedov Olimpiada joldamasyn ielengen bolatyn.
Esterińizge sala keteiik, Astanada ótip jatqan kúres túrlerinen álem chempionatandy balýandar júldeli oryndarmen qatar kelesi jyly ótetin 2020 Tokio olimpiadasyna joldamalardy da sarapqa salady. Astanada sportshylarǵa 108 Olimpiadalyq joldama úlestiriledi. Joldama 1-den 5-orynǵa ie bolǵan balýandarǵa beriledi. Birinshilik 22 qyrkúiekke deiin jalǵasady.
