.jpeg)
QR Prezidenttigine kandidat Meiram Qajyken sailaýshylarmen kezdesý úshin Aqtóbege bardy, dep habarlaidy "Ult aqparat" úmitkerdiń shtabyna silteme jasap.
Alǵashynda ol Aqtóbe rels-arqalyq zaýytynyń qyzmetkerlerimen kezdesti.
Meiram Qajyken óziniń sailaýaldy tuǵyrnamasynyń maqsat-múddelerimen tanystyrdy. Tiisinshe, usynylǵan barlyq reformalar respýblikanyń árbir azamatynyń ómir súrý sapasyn jaqsartýǵa jáne onyń quqyqtary men múddelerin saqtaýǵa baǵyttalǵanyn jetkizdi.kezdesý barysynda, áielderdiń zeinetkerlik jasynyń tómendeýi, qaýipti jáne ziiandy eńbek jaǵdailarymen bailanysty qyzmetkerlerdiń erte zeinetke shyǵýy, jalaqynyń ashyq jáne aiqyn esebi jaily taqyryptar qozǵaldy.
Kandidat sóz barysynda Germaniia elin mysal etip, ol jaqta eń tómengi jalaqyny memleket emes, jumys berýshiler qaýymdastyǵy men kásipodaqtar anyqtaitynyn aitty.
«Germaniiada eki negizgi qujat bar - tariftik kelisim jáne jeke eńbek sharty. Birinshi qujatta eńbek jaǵdailary men eń tómengi tabys mólsheri kórsetilgen. Bul kelisim memlekettik organdarǵa bekitýge jiberiledi. Eldegi ekonomikalyq jaǵdaiǵa bailanysty eki qujat, jalaqyny kezeń-kezeńimen ulǵaitý jaǵyna qarai qaita qaralady. Iaǵni, bul áleýmettik áriptestiktiń jaqsy úlgisi, onda jumys berýshiler men kásipodaqtar ózara kelisip, memleketpen teń dárejede mańyzdy ekonomikalyq sheshimder qabyldaidy», - dep atap ótti kandidat.
Qajyken bizdiń elimizde ETJ esepteý ádisteri kásipodaqtarmen kelisilip, zańmen bekitilýge tiis ekenin de qosa ketti.
Zaýyt qyzmetkerleri turǵyn úi, bilim berý, meditsina, qorǵanys, bank júiesi jáne sybailas jemqorlyqqa qarsy kúreske qatysty kóptegen suraqtar qoidy. Kásiporyn qyzmetkerleriniń biri kandidattan «sailaýda jeńiske jetseńiz, ministrlik ókilderin aýystyrýdy josparlap otyrsyz ba?», dep surady.
«Men jalǵyz emes, komandamen birge júremin. Sailaýǵa túsý nemese túspeý týraly talqylaǵan kezde biz 50-den astam adam boldyq. Al qazir sany artty. Qazirdiń ózinde ministr bola alatyn senimdi adamdar bar. Biraq bul rette memlekettik apparattaǵy artyqqyzmetterdi qysqartý kerek dep sanaimyn. Mysaly, men premer-Ministrdiń qajettiligin kóre almaimyn. Kez-kelgen máseleni sheshýge mindetteme alatyn prezident bar. Ol muny oryndaýy kerek jáne premerdiń muny isteýin kútpeýi kerek. Ministrlik kabineti de jetkilikti», - dep túiindedi kandidat.
Kezdesý qorytyndysy boiynsha ol zaýyt qyzmetkerlerine óziniń sailaýaldy tuǵyrnamasyna qyzyǵýshylyq tanytyp, qoiǵan suraqtary úshin alǵysyn bildirdi.
Aita keteiik, ARAZ 2016 jyly, qurylys bastalǵannan úsh jyl ótken soń paidalanýǵa berildi. Kásiporyn metall konstrýktsiialaryna arnalǵan uzyn ólshemdi relstermen qatar basqa da ónimder shyǵarady. Óndiris kólemi-jylyna 200 myń tonnadan astam rels. Zaýyt óz ónimderin Qazaqstan naryǵyna jáne birqatar jaqyn shetelderge jetkizedi.
Zaýyttyń quramyna búkil kásiporyndy elektr qýatymen qamtamasyz etetin gaz porshendi elektr stantsiiasy da kiredi.
