«Qazaqstan» respýblikalyq teleradiokorporatsiiasy» AQ Basqarma tóraiymy Lázzat Tanysbaidyń buiryǵymen tanymal telejýrnalist Meiirjan Álibekuly «Jambyl» oblystyq teleradioarnasynyń direktory laýazymyna taǵaiyndaldy, dep habarlaidy "Ult aqparat".
Meiirjan Álibekuly 1984 jyly týǵan. Ál-Farabi atyndaǵy QazUÝ Jýrnalistika fakýltetiniń túlegi. Eńbek jolyn «Atyray» oblystyq telearnasynan bastaǵan. Ár jyldary «Qazaqstan» ulttyq telearnasynyń Aqparattyq-saraptamalyq baǵdarlamalar direktsiiasynda tilshi-sarapshy, redaktor-júrgizýshi, Qazaqstan Prezidentiniń jýrnalistik pýl tilshisi, shef-redaktor, direktsiia direktorynyń orynbasary qyzmetterin atqarǵan. Qalyń kórermenge «Jańalyqtar», saiasi-saraptamalyq «Apta.kz» baǵdarlamasynyń tizginshisi retinde tanymal. QR Prezidentiniń BAQ salasyndaǵy syilyǵynyń iegeri, QR Aqparat salasynyń úzdigi. «Halyq súiiktisi» ulttyq júldesiniń laýreaty, «Nur Suńqar» baiqaýynyń jeńimpazy.
