«Barselona» fýtbol klýbynyń oiynshysy Lionel Messi oń jaq aiaǵyn jaraqattap aldy. Saldarynan fýtbolshy komandanyń AQSh boiynsha maýsymaldy týryna qatysa almaityn boldy, dep habarlaidy QazAqparat klýbtyń baspasóz qyzmetine silteme jasap.
32 jastaǵy Messi dúisenbi kúngi jattyǵý kezinde aiaǵynyń aýyrǵanyn sezgen. Tekseristen ótkennen keiin ony AQSh-ta ótetin týrdyń quramyna qospaý týraly sheshim qabyldandy. Týr barysynda «Barselona» italiialyq «Napoli» komandasyna qarsy eki match ótkizedi dep josparlanǵan.
Messi «Barselona» quramynda júrip, Ispaniianyń on márte chempiony, Ispaniia Sýperkýbogynyń segiz márte iegeri, Ispaniia Kýbogynyń alty márte iegeri, Chempiondar ligasynyń tórt márte jeńimpazy, ÝEFA Sýperkýbogynyń úsh márte iegeri jáne klýbtyq álem chempionatynyń úsh márte jeńimpazy atanǵan edi. Argentinalyq fýtbolshy bes ret álemniń úzdik oiynshysy ataǵyna ie bolǵan.
