«Barselona» fýtbol klýbynan ketken argentinalyq fýtbolshy Leo Messi jańa klýbqa qatysty óz tańdaýyn jasady, dep habarlaidy Sports.kz saity.
«Alty márte «Altyn dop» iegeri atanǵan argentinalyq shabýylshy Lionel Messi óz mansabyn «PSJ» klýbynda jalǵastyrady», - dep málim etti Marca.
Beisenbi kúni «Barselona» Messimen jańa kelisimshartqa qol qoimaitynyn habarlaǵan edi.
Ispaniialyq gazettiń jazýynsha, «PSJ» - Messidi satyp alǵysy keletin básekege qabiletti jalǵyz klýb.
Aǵylshyndyq «Manchester Siti» fýtbolshy úshin kúresten bas tartqan.
Aita keteiik, Messi «Barselonadan» ketetini jóninde jariialanǵannan keiin Qazaqstannyń «Turan» fýtbol klýby ony elimizge shaqyrdy. «Leo Messi, sizdi Túrki áleminiń rýhani astanasy – Túrkistanǵa shaqyramyz!» dep jazdy klýb áleýmettik jelide.
