Foto: © Juan Manuel Serrano Arce / Stringer / Getty Images Sport / Gettyimages.ru
Argentina quramasy men «PSJ» klýbynyń shabýylshysy Lionel Messi 2022 jyldyń qorytyndysy boiynsha álemniń úzdik fýtbolshysy atandy, dep habarlaidy QazAqparat agenttigi.
Shampionat.com saitynan alynǵan derekke qaraǵanda, Halyqaralyq fýtbol tarihy jáne statistikasy federatsiiasy (IFFHS) úzdikter esimin jariia etti.
Messi daýys berýdiń qorytyndysy boiynsha 275 upai jinady. Ol «PSJ» men Frantsiia quramasynyń shabýylshysy Kilian Mbappeden áldeqaida alǵa ketti. Mbappeniń esebinde 35 upai ǵana bar. «Real» men Frantsiia quramasynyń taǵy bir shabýylshysy Karim Benzema (30 upai) úzdik úshtikti túiindedi. Sondai-aq «Realdyń» jartylai qorǵaýshysy, horvatiialyq Lýka Modrich (15) pen «Manchester Sitidiń» shabýylshysy, norvegiialyq Erling Holand (5) TOP-5-ke endi.
