QR Premer-Ministri Asqar Maminniń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi Vedomstvoaralyq komissiianyń (VAK) selektorlyq otyrysy ótti, dep habarlaidy "Ult aqparat" primeminister.kz-ge silteme jasap.
Komissiia teatrlar men meshitterdiń jumysyna qatysty birqatar sheshim qabyldady.
«Biyl 2 qarashadan bastap ruqsat etilsin:
- 30%-ǵa deiin tolyǵýmen, biraq zalda 100 adamnan asyrmai, teatrlardyń jumys isteýine (áleýmettik ara qashyqtyqty, maska rejimin, termometriiany, qatań sanitarlyq-dezinfektsiialyq rejimdi saqtaýmen);
- juma namazyn qospaǵanda, meshitterde ujymdyq namaz (bes namaz) ótkizýge, biraq zalda 100 adamnan asyrmai (2 m áleýmettik ara qashyqtyqty, maska rejimin, termometriiany, qatań sanitarlyq-dezinfektsiialyq rejimdi saqtaýmen)», delingen komissiia sheshiminde.
