Meshittegi azannyń dybysy 70 detsibelden aspaýy tiis, dep habarlaidy "Ult aqparat" QR Din isteri jáne azamattyq qoǵam ministrligine silteme jasap.
Sońǵy ýaqytta Qazaqstan Respýblikasynyń Din isteri jáne azamattyq qoǵam ministrligine meshitterdegi azannyń dybys deńgeiin retteýge qatysty kóptegen ótinishter kelip túsken.
«Osy turǵyda Din isteri komiteti Qazaqstan musylmandary dini basqarmasymen jáne oblystardyń, Astana men Almaty qalalary Din isteri jónindegi basqarmalarmen birlesip, meshitterdegi azannyń dybys deńgeiin turǵyn úi jáne basqa úi-jailardy, qoǵamdyq ǵimarattardy ustaýǵa jáne paidalanýǵa arnalǵan sanitarlyq-epidemiologiialyq talaptarǵa sáikestendirý maqsatynda túsindirý jumystaryn júrgizýde», delingen habarlamada.
Atalǵan talaptarǵa sáikes, páterlerdiń bólmelerine shýdyń ený normalary saǵat tańǵy 7.00 den túngi 23.00-ge deiin 55-ten 70 dBA (detsibel), al, saǵat 23.00 den 7.00-ge deiin 45-ten 60 dBA (detsibel) bolýy qajet.
Qazaqstan musylmandary dini basqarmasy Din isteri jáne azamattyq qoǵam ministrliginiń usynymdaryn jáne azannyń dybys yrǵaǵyn asyrmaýǵa qatysty sanitarlyq-epidemiologiialyq talaptardy ustanady.
«Joǵaryda aitylǵandarǵa bailanysty meshitterdiń basshylyǵyn sanitarlyq-epidemiologiialyq talaptardyń normalaryn saqtaýǵa jáne turǵyndardy eger olardyń áreketi qoldanystaǵy zańnamaǵa qaishy kelmese, dini rásimderge túsinistikpen qaraýǵa shaqyramyz», - delingen habarlamada.
