Merkide qaza bolǵan Madinanyń ólimine qatysty jańa málimetter jariialandy, dep habarlaidy ult.kz.
Belsendi Jan Ahmadievtiń aitýynsha, marqumnyń týystary oǵan Madinany jýyndyrý kezinde túsirilgen videony joldaǵan. Kadrlardan onyń basynyń birneshe tusynda tigis bar ekeni baiqalady.
Budan bólek, Madinanyń qaiǵyly oqiǵadan buryn páter izdegeni týraly aqparat tarady. Jan Ahmadievtiń sózinshe, marqum páter jaldaý máselesi boiynsha baspana iesimen bailanysqan. Páterdi jalǵa berýshi Madinanyń úidegi jihazdyń bar-joǵyn surap, baspanany uzaq merzimge jaldaý múmkindigin de naqtylaǵanyn aitqan.
Osy derekterge súiengen belsendi Madinanyń óz-ózine qol jumsaǵany týraly boljamǵa kúmán keltiretinin jetkizdi.
«Men Madinanyń óz-ózine qol jumsaǵanyna kúmándana bastadym. Sebebi bizge kelgen daýystyq habarlamada ol páterdegi jihazdyń bar-joǵyn surap, qajet bolsa jihaz qaldyrýǵa bolatynyn naqtylaǵan. Sonymen qatar baspanany uzaq merzimge jalǵa alý múmkindigin suraǵan», – dedi Jan Ahmadiev.
Degenmen bul derekter Madinanyń ólimine qatysty naqty qorytyndy jasaýǵa negiz bolmaidy. Qazir taraǵan málimetter men beinematerialdar tergeýdiń resmi nátijesi emes. Oqiǵanyń naqty sebepteri men mán-jaiy tiisti saraptamalar men tergeý jumystary aiaqtalǵannan keiin belgili bolady.
