Merkide qaza bolǵan Madinanyń ólimine qatysty jańa málimetter jariialandy. Belsendi Jan Ahmadievtiń sózinshe, marqumnyń týystary oǵan Madinany jýyndyrý kezinde túsirilgen beinematerialdy joldaǵan, dep habarlaidy ult.kz.
Onyń aitýynsha, kadrlardan marqumnyń basynyń birneshe jerinde tigis bar ekenin baiqaýǵa bolady.
Sonymen qatar Madinanyń qaiǵyly oqiǵadan az ýaqyt buryn páter izdegeni týraly aqparat tarady. Jan Ahmadievtiń málimdeýinshe, marqum baspana jaldaý máselesi boiynsha páter iesimen sóilesken. Áńgime barysynda ol úidegi jihazdyń bar-joǵyn surap, qajet bolǵan jaǵdaida jihaz qaldyrý múmkindigin naqtylaǵan. Sondai-aq páterdi uzaq merzimge jalǵa alý máselesin de suraǵan.
Osyǵan bailanysty belsendi Madinanyń óz-ózine qol jumsaǵany týraly boljamǵa kúmán keltiretinin aitty.
«Men Madinanyń óz-ózine qol jumsaǵanyna kúmándana bastadym. Sebebi bizge kelgen daýystyq habarlamada ol páterdegi jihazdyń bar-joǵyn surap, qajet bolsa jihaz qaldyrýǵa bolatynyn naqtylaǵan. Sonymen qatar baspanany uzaq merzimge jalǵa alý múmkindigin suraǵan», – dedi Jan Ahmadiev.
Alaida atalǵan derekter Madinanyń ólimine qatysty naqty qorytyndy jasaýǵa jetkiliksiz. Qazir áleýmettik jelide taraǵan beinematerialdar men aitylǵan málimetter tergeýdiń resmi qorytyndysy bolyp sanalmaidy.
Oqiǵanyń naqty sebepteri men mán-jaiy tiisti saraptamalar men tergeý amaldary aiaqtalǵannan keiin anyqtalýy tiis.
