مەركٸدە قازا بولعان مادينانىڭ ٶلٸمٸنە قاتىستى جاڭا مەلٸمەتتەر جارييالاندى. بەلسەندٸ جان احماديەۆتٸڭ سٶزٸنشە, مارقۇمنىڭ تۋىستارى وعان مادينانى جۋىندىرۋ كەزٸندە تٷسٸرٸلگەن بەينەماتەريالدى جولداعان, دەپ حابارلايدى ult.kz.
ونىڭ ايتۋىنشا, كادرلاردان مارقۇمنىڭ باسىنىڭ بٸرنەشە جەرٸندە تٸگٸس بار ەكەنٸن بايقاۋعا بولادى.
سونىمەن قاتار مادينانىڭ قايعىلى وقيعادان از ۋاقىت بۇرىن پەتەر ٸزدەگەنٸ تۋرالى اقپارات تارادى. جان احماديەۆتٸڭ مەلٸمدەۋٸنشە, مارقۇم باسپانا جالداۋ مەسەلەسٸ بويىنشا پەتەر يەسٸمەن سٶيلەسكەن. ەڭگٸمە بارىسىندا ول ٷيدەگٸ جيھازدىڭ بار-جوعىن سۇراپ, قاجەت بولعان جاعدايدا جيھاز قالدىرۋ مٷمكٸندٸگٸن ناقتىلاعان. سونداي-اق پەتەردٸ ۇزاق مەرزٸمگە جالعا الۋ مەسەلەسٸن دە سۇراعان.
وسىعان بايلانىستى بەلسەندٸ مادينانىڭ ٶز-ٶزٸنە قول جۇمساعانى تۋرالى بولجامعا كٷمەن كەلتٸرەتٸنٸن ايتتى.
«مەن مادينانىڭ ٶز-ٶزٸنە قول جۇمساعانىنا كٷمەندانا باستادىم. سەبەبٸ بٸزگە كەلگەن داۋىستىق حابارلامادا ول پەتەردەگٸ جيھازدىڭ بار-جوعىن سۇراپ, قاجەت بولسا جيھاز قالدىرۋعا بولاتىنىن ناقتىلاعان. سونىمەن قاتار باسپانانى ۇزاق مەرزٸمگە جالعا الۋ مٷمكٸندٸگٸن سۇراعان», – دەدٸ جان احماديەۆ.
الايدا اتالعان دەرەكتەر مادينانىڭ ٶلٸمٸنە قاتىستى ناقتى قورىتىندى جاساۋعا جەتكٸلٸكسٸز. قازٸر ەلەۋمەتتٸك جەلٸدە تاراعان بەينەماتەريالدار مەن ايتىلعان مەلٸمەتتەر تەرگەۋدٸڭ رەسمي قورىتىندىسى بولىپ سانالمايدى.
وقيعانىڭ ناقتى سەبەپتەرٸ مەن مەن-جايى تيٸستٸ ساراپتامالار مەن تەرگەۋ امالدارى اياقتالعاننان كەيٸن انىقتالۋى تيٸس.
