Jambyl oblysynyń Merki aýdanynda áieldiń qaitys bolýyna qatysty jańa derek aityldy. Qaiǵyly jaǵdaidan keiin marqumnyń týysy advokat Lázzat Raqyshevaǵa habarlasqan, dep habarlaidy ult.kz.
Týysynyń aitýynsha, áiel qurbysyna hat jazyp, kúieýimen arada bolǵan jaǵdaidy aityp ketken. Hatta marqumnyń «bir Barni pechenesi úshin kúieýim urdy» degen mazmunda sózder jazǵany aitylyp otyr.
Keiin áiel qaitys bolǵan. Alaida onyń ólimine naqty ne sebep bolǵany jáne bul jaǵdaiǵa kimniń kináli ekeni ázirge belgisiz.
Marqumnyń artynda nebári 8 ailyq sábii qalǵan.
Qazir istiń mán-jaiyn anyqtaý úshin zańgerler marqumnyń týystaryna quqyqtyq keńes berip jatyr.
