Biyl «Mereili otbasy» ulttyq konkýrsy burynǵydan ózgeshe tártippen ótedi, dep habarlaidy "Ult aqparat".
Aqparat jáne qoǵamyq damý ministrligi Jastar jáne otbasy isteri komitetiniń tóraǵasy Shahmardan Baimanov ortalyq kommýnikatsiialar qyzmetinde ótken brifingide osyndai jańalyq aitty.
«Biyl Úkimet qaýlysymen «Mereili otbasy» ulttyq konkýrsyn ótkizýdiń jańa qaǵidalary bekitildi. Ol boiynsha konkýrsty tanymal etý jáne úmitkerlerdiń sanyn ulǵaitý úshin ótinimderdi otbasynyń ózderinen basqa jergilikti atqarýshy organdar jáne zańdy tulǵalar engize alady. Óńirlik kezeńniń barlyq jeńimpaz otbasylardyń eńbek, sport, shyǵarmashylyq, ziiatkerlik, ǵylymi jetistikteri bolǵandyqtan, respýblikalyq deńgeide bir otbasyn ǵana tańdamai, barlyq 17 otbasyǵa konkýrs laýraeaty ataǵy berý týraly sheshim qabyldandy. Konkýrs ádil ári ashyq ótýi úshin óńirlik komissiialardyń quramyna azamattyq qoǵam ókilderi, ótken jyldardaǵy jeńimpazdardy qosý kózdelgen. Komissiia otyrystary jergilikti atqarýshy organdardyń internet resýrstarynda jáne áleýmettik jelidegi resmi akkaýntarynda onlain kórsetilim arqyly ótedi», - dedi komitet tóraǵasy.
Konkýrsqa qatysýǵa úmitkerlerler ótinimderin jergilikti komissiialarǵa 15 maýsymǵa deiin joldai alady. Konkýrs laýreattaryn saltanatty marapattaý rásimi qyrkúiek aiynyń ekinshi jeksenbisi – Otbasy kúni merekesi qarsańynda ótedi.
