lordada syrqattanýdyń eń joǵary deńgeii eresekter arasynda tirkelýde. Bul týraly Ortalyq kommýnikatsiialar qyzmetinde ótken brifingide aityldy, dep habarlaidy "Ult aqparat".
«Osy merekelik aptada naýqastarmen bailanysta bolǵanyna bailanysty koronavirýs juqtyrýshylar sany 10% ósti, iaǵni ortasha eseppen aptasyna 500 adamǵa deiin aýyrǵan bolsa, qazirgi ýaqytta bailanysta bolǵandar arasynda 750-ge deiin naýqas anyqtalady. Bul qala turǵyndary karantin talaptaryn saqtamaǵanyn kórsetedi. Qazirgi ýaqytta belsendi oshaqtar sany – 1736, onyń ishinde: úi – 1081, uiymdastyrylǵan – 655, onda 4172 bailanysta bolǵan adam meditsinalyq baqylaýda», - deidi Sanitarlyq-epidemiologiialyq baqylaý departamentiniń basshysy, Nur-Sultan qalasynyń bas sanitarlyq dárigeri Sarhat Beisenova.
Onyń aitýynsha, jas qurylymy boiynsha syrqattanýdyń eń joǵary deńgeii eresekter arasynda tirkelýde. Ol jalpy syrqattanýshylyqtyń 78,3%-yn quraidy, balalar arasynda - 19% jáne jasóspirimder - 2,7% quraidy.
«Eresekter arasynda 30-39 jas aralyǵyndaǵy adamdar infektsiiaǵa barynsha beiim, olar eresekterdiń jalpy syrqattanýshylyq qurylymynda - 30%-yn quraidy. Balalar arasynda eń joǵary syrqattanýshylyq 3 - 10 jas shamasyndaǵylar tirkelgen, olarda balalardyń jalpy syrqattanýshylyǵynyń 50% - y tiesili», - deidi ol.
