لوردادا سىرقاتتانۋدىڭ ەڭ جوعارى دەڭگەيٸ ەرەسەكتەر اراسىندا تٸركەلۋدە. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە ايتىلدى, دەپ حابارلايدى "ۇلت اقپارات".
«وسى مەرەكەلٸك اپتادا ناۋقاستارمەن بايلانىستا بولعانىنا بايلانىستى كوروناۆيرۋس جۇقتىرۋشىلار سانى 10% ٶستٸ, ياعني ورتاشا ەسەپپەن اپتاسىنا 500 ادامعا دەيٸن اۋىرعان بولسا, قازٸرگٸ ۋاقىتتا بايلانىستا بولعاندار اراسىندا 750-گە دەيٸن ناۋقاس انىقتالادى. بۇل قالا تۇرعىندارى كارانتين تالاپتارىن ساقتاماعانىن كٶرسەتەدٸ. قازٸرگٸ ۋاقىتتا بەلسەندٸ وشاقتار سانى – 1736, ونىڭ ٸشٸندە: ٷي – 1081, ۇيىمداستىرىلعان – 655, وندا 4172 بايلانىستا بولعان ادام مەديتسينالىق باقىلاۋدا», - دەيدٸ سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسشىسى, نۇر-سۇلتان قالاسىنىڭ باس سانيتارلىق دەرٸگەرٸ سارحات بەيسەنوۆا.
ونىڭ ايتۋىنشا, جاس قۇرىلىمى بويىنشا سىرقاتتانۋدىڭ ەڭ جوعارى دەڭگەيٸ ەرەسەكتەر اراسىندا تٸركەلۋدە. ول جالپى سىرقاتتانۋشىلىقتىڭ 78,3%-ىن قۇرايدى, بالالار اراسىندا - 19% جەنە جاسٶسپٸرٸمدەر - 2,7% قۇرايدى.
«ەرەسەكتەر اراسىندا 30-39 جاس ارالىعىنداعى ادامدار ينفەكتسيياعا بارىنشا بەيٸم, ولار ەرەسەكتەردٸڭ جالپى سىرقاتتانۋشىلىق قۇرىلىمىندا - 30%-ىن قۇرايدى. بالالار اراسىندا ەڭ جوعارى سىرقاتتانۋشىلىق 3 - 10 جاس شاماسىنداعىلار تٸركەلگەن, ولاردا بالالاردىڭ جالپى سىرقاتتانۋشىلىعىنىڭ 50% - ى تيەسٸلٸ», - دەيدٸ ول.
