Mereke kúnderi eldegi saýda oiyn-saýyq ortalyqtary jumysyn toqtata ma? Bul suraqqa sanitariialyq-epidemiologiialyq baqylaý komitetiniń juqpaly aýrýlardy epidemiologiialyq qadaǵalaý basqarmasynyń basshysy Roza Qojapova jaýap berdi, dep habarlaidy "Ult aqparat".
«Eldegi óńirlerdiń epidemiologiialyq ahýalyna bailanysty saýda oiyn-saýyq ortalyqtary ártúrli tártippen jumys júrgizedi. Qazirgi tańda tek Nur-Sultan qalasy ǵana «qyzyl» aimaqta bolǵandyqtan, elordada jeksenbi kúnderi saýda oiyn-saýyq ortalyqtary jumys istemeidi. Qalǵan kúnderi 18.00-ge deiin ashyq bolady», - dedi Roza Qojapova Ortalyq kommýnikatsiialyq qyzmet alańynda ótken brifingte .
Eske sala ketsek, keshe Nur-Sultan qalasy koronavirýs taralýynyń joǵary bolýyna bailanysty «qyzyl» aimaqta qalyp otyrǵany habarlanǵan bolatyn.
Sonymen qatar «sary» aimaqta atalǵan óńirden basqa Almaty qalasy, Shyǵys Qazaqstan, Soltústik Qazaqstan, Aqmola jáne Atyraý oblystary jatyr.
