Foto: instagram.com/rollsroycecars
Mercedes jáne Rolls-Royce júrgizýshileri gaz úshin kóbirek tóleýi kerek. Bul týraly Mańǵystaý oblysynyń ákimi Nurlan Noǵaev Ortalyq kommýnikatsiialar qyzmetinde ótken brifingte aitty, - dep habarlaidy Tengrinews.kz saity.
"Prezident qatysqan Úkimettiń keńeitilgen otyrysynan keiin siz óńirde suiytylǵan gazǵa saralanǵan tarif engizý qajettigin aittyńyz, "Mersedes", "Rolls-Rois" jáne basqa da qymbat kólikterdiń júrgizýshileri Chevrolet jáne Lada avtokólikterin tizgindeitinderge qaraǵanda kóbirek tóleýi kerek pe", - dep jýrnalister saýal qoidy.
"Iá, meniń oiymsha Rolls-Royce jáne Mercedes ieleri kóbirek tóleýi kerek. Gaz tutynýshy avtokólik júrgizýshileri ádil tóleýi qajet. Ásirese osy kólikterdiń ieleri. Nelikten olar "Jigýli" nemese basqa kólikterdiń ielerimen birdei baǵa tóleýi kerek? Búginde biz barlyq kólik ielerin sýbsidiialaimyz. Óńirde 150 myńnan astam kólik bar, olardyń 80 paiyzdan astamy suiyq otyndy paidalanady. Qalai bolǵanda da Rolls-Royce jáne Mercedes ieleri esep boiynsha tóleýi kerek. Óitkeni mundai kólikterdi ondaǵan, keide júzdegen myń dollarǵa satyp alýǵa múmkindigińiz bolsa, memlekettik sýbsidiiany nege paidalanýyńyz kerek?", - dep ashýlandy Mańǵystaý oblysynyń ákimi jýrnalisterdiń saýaldaryna jaýap berip.
