Almatyda kóppáterli úidiń toǵyzynshy qabatynan balalarymen birge sekirgen kelinshektiń kúieýi suhbat berdi, dep habarlaidy Azattyq Rýhy tilshisi Informburo aqparattyq agenttigine silteme jasap.
Nursultan Orazovtyń aitýynsha, olar baqytty ómir súrgen, al áieli sýitsid jasaǵan kúni ol úiinde bolmaǵan eken.
«Biz baqytty ómir súrdik. Biraq jumyssyz edik. Áielim úide balalarmen otyrdy. Al men qara jumysshymyn, bazarda jumys istedim. Qazir esh jerde jumys istemeimin. Oqiǵa bolǵan ýaqytta úide bolǵan joqpyn», - dedi ol.
Onyń aitýynsha, áieliniń mundai qadamǵa barýyna eshqandai sebep bolmaǵan. Óitkeni otbasynda bári jaqsy boldy. Olar Almatyda alty jyl turǵan eken.
«Biz turǵyn úidi jalǵa aldyq, jalaqymyz az boldy. Ata-anamyz da jumyssyz, úide, olar Shymkentte turady. Mende bilim joq. Bizde eshnársemiz joq, áleýmettik kómek te berilmedi. Qatań karantin bolǵan kezde de kómek suradyq, biraq bizge berilmedi. HQO-ǵa, ákimdikke, áielim barlyq jerge júgindi. Olardyń bári kómek kórsetýden bas tartty. Úsh balam bar edi, kishi ulym eki jasta, úlkeni alty jasta jáne ortasyndaǵy qyzym bes jasta boldy. Endi olar joq. Qazir meniń de ómir súrgim kelmeidi», - dedi ol.
