QR Prezidenttegine úmitkerler qatarynda bolǵan Meiram Qajyken sailaýdan soń úndeý jasap, Qasym-Jomart Toqaevty jeńisimen quttyqtady, dep habarlaidy "Ult aqparat" Azattyq Ruhy portalyna silteme jasap.
«Prezident senim nesiesin ǵana emes, Qazaqstannyń bolashaǵy úshin úlken jaýapkershilikti de aldy. Maǵan daýys bergenderdiń bárine alǵysymdy bildirgim keledi. Meni prezidenttikke kandidat etip usynǵan «Amanat» respýblikalyq birlestigine erekshe alǵys aitamyn. Maǵan, baǵdarlamama sengen jumysshylarǵa, stýdentterge, zeinetkerlerge myń alǵysymdy bildiremin. Meniń baǵdarlamam ózekti bolyp qala beredi jáne ony jalǵastyramyn. Osy oraida Yntymaq saiasi partiiasyn qurýǵa pikirlesterim kómektesedi», - dedi ol «Habar 24» telearnasynyń efirinde.
Úndeýiniń sońynda Qajyken saiasatta qalýǵa ýáde berdi.
