"Dos-Muqasan" ansambiliniń negizin qalaýshy ári kórkemdik jetekshisi, tanymal kompozitor Murat Qusaiynov qazaqstandyq ánshi Dimash Qudaibergenmen qalai tanysqanyn aityp, jastarǵa qairatker ataǵyn beretinderdi synǵa aldy, - dep habarlaidy Tengrinews.kz.
Kompozitor "Meniń ómirim" baǵdarlamasyna bergen suhbatynda Dimashty 16 jasynan beri tanitynyn aitty.
"Shabyt" festivalinde Dimash án aitty. Sol kezde-aq daýsy keremet bolatyn. Ózi kórikti jigit, dereý kózge tústi. Gran-pridi soǵan berdik. "Ainalaiyn, bolashaǵyń zor eken, sen jaqsylap oqy, sahnaǵa shyǵýǵa asyqpa" dep aitqanym ras. Talai kontsertte kezdesip júrdik. Keiin Qytaida diapazonymen tańǵaldyrdy. Kórermen degen ý-shýdy jaqsy kóretin halyq, qattyraq shyńǵyrsań keremet ánshi dep esepteidi. Bizde kórealmaýshylyq basym, bireý alǵa shyǵyp ketse, aiaǵynan súireidi. Sony qoiatyn kez keldi. Dimashtyń ózin memleket qoldaýy kerek. Dimashqa arnap baǵdarlama jasaý kerek", - dedi Murat Qusaiynov.
