Qazaqstandyq jas ánshi Dimash Qudaibergen Qytaidaǵy etnikalyq qazaqtar máselesinen habardar ekenin aitty, dep habarlaidy Sputnik Qazaqstan tilshisi.
Astanada Ortalyq kommýnikatsiialar qyzmetinde ótken brifingte jýrnalister Dimash Qudaibergennen Qytaidaǵy etnikalyq qazaqtar máselesin kóterý oiyńyzda bar ma dep surady.
Jas ánshi Qytaidaǵy qandastardyń máselesinen habardar ekenin, alaida óziniń halyqaralyq dárejedegi diplomat emes ekenin aitty.
"Olar "janym qazaq" dep soǵatyn ózimizdiń adamdarymyz jáne ol kisilerdiń taǵdyry biz úshin eshqashan da qyzyqsyz bolyp qalmaidy. Endi, sózdiń shyny kerek, qolymnan kelse, bárin berer edim. Biraq men halyqaralyq dárejedegi diplomat emespin. Meniń qolymnan tek án aitý ǵana keledi. Men - tek ánshimin", — dedi Qudaibergen.
Ol etnikalyq qazaqtardyń problemasy ózine de aýyr tigenin atap ótti.
"Qazir men ózimdi tek ánshi esebinde kórip, bul másele boiynsha alańdamai jatyr dep oilamańyzdar. Meniń de júregime aýyr tidi. Men de barynsha bul suraqtyń tezirek sheshilgenin qalaimyn. Biraq men saiasattaǵy úlken tulǵa emespin, men - ánshimin", — dedi Dimash Qudaibergen.
