Almatyda kóńil kóterý ortalyqtarynyń birinde mas kúide janjal shyǵarǵandardyń videosy Jelide jariialandy, - dep habarlaidy Tengrinews.kz.
Oqiǵa Voyage karaoke-barynda 31 shildeden 1 tamyzǵa qaraǵan túni bolǵan. Mekeme ákimshisi Nurlannyń aitýynsha jazǵy terassaǵa eki qonaq kelgen - er jáne áiel. Onyń aitýynsha, túngi 2:00-de olar spirttik ishimdik ishken.
"Olar mekemeniń qarapaiym erejelerin saqtaýdan bas tartty, onyń ishinde ǵimarat ishinde temeki shekpeý siiaqtylary da bar. Óziniń qala prokýratýrasyda isteitinin aitqan jigit qyzmetkerlerdiń onyń atyna jazǵan aryzy aldynan ótetinin aitqan. Uzaq ýaqyt boiy arpalysqannan keiin, jup aqyry aqshasyn tólemedi. Olar qyzmettik kýálikke uqsas birdeńe kórsetýmen álek boldy. Áiel adam advokatpyn ózin dep tanystyrdy", - dedi mekeme ákimshisi.
Olar esep aiyrysýdan bas tartqannan keiin mekeme qyzmetkerleri videoǵa túsire bastaǵan. Videodan er adamnyń aqsha tóleýge arnalǵan kitapshany laqtyrǵanyn kórýge bolady.
Qalalyq prokýratýra videodaǵy adamnyń prokýratýra qyzmetkeri ekenin joqqa shyǵardy.
Qazirgi tańda qalalyq Politsiia departamenti onyń kim ekenin anyqtap jatyr.
