Qýandyq
Bishimbaevtyń Astanadaǵy sotynda kóripkel kýáger bolyp sóz sóiledi. Ol burynǵy
ministrmen anasy arqyly tanys ekenin aitty. 9 qarashada Bishimbaev oǵan
habarlasyp, Saltanattyń jaǵdaiyn boljap berýin suraǵan, dep habarlaidy "Ult aqparat".
«Ol menimen mas siiaqty sóilesti. Sózinen jańylysyp, sózderdi muqiiat aitýǵa tyrysty. Ádettegidei sóilegen joq. Biz túnde kóp iship, áielimmen tóbelesip qaldym dedi. Men oǵan jedel járdem shaqyryńyz. Dárigerge baryńyz dep aittym. Jeke qabyldaityn dárigerler de bar ǵoi dedim», - deidi kýáger.
Prokýror odan "jedel járdemdi nege shaqyryńyz dep aittyńyz" degen suraǵynan ol "Saltanatqa járdem kerek ekenin ózi aitty" deidi ol.
«Ol Saltanatqa kerek dedi. Ol maǵan aitty, qazir Saltanat uiyqtap jatyr, demalyp jatyr dedi. «Kórip berińizshi» dep aitty», - deidi ol.
Kóripkel oǵan birneshe ret jedel járdem shaqyr dep keńes bergenin aitady.
«Men oǵan ne istei alamyn? Jedel járdem shaqyr dep aittym. Ol maǵan "uiyqtap jatyr" dep qoimaidy. Men másele osynshalyqty kúrdeli dep oilamappyn. Ol mas bolǵandyqtan onyń sózderine asa mán bermedim. Qaita-qaita habarlasa berdi, keide tipti telefonymdy da kótermedim», - dedi ol.
