Orta salmaqta WBA (Super), IBO, WBC jáne IBF chempiony qazaqstandyq Gennadii Golovkin qyrkúiekte bolatyn meksikalyq Saýl "Kanelo "Alvarespen jekpe-jekten ne kútetinin aitty, - dep habarlaidy Vesti.kz saitynyń qazaq bólimi.
"Men mundai jekpe-jekti 20 jyl kúttim. Alvares buǵan deiin judyryqtasqan jigitterden bólek. Ol myqty jigit, naǵyz chempion. 16 qyrkúiekte biz naǵyz boks shoýyn jasaimyz", - dep keltiredi Golovkinniń aitqanyn ESPN.
Munyń aldynda Golovkin "Kanelomen" jekpe-jekke óte jaqsy daiyndyqta shyǵýy kerektigi týraly aitqan. Óitkeni ol Abel Sanches daiarlaǵan jekpe-jek josparyn tolyq júzege asyrýy kerek.
Jekpe-jek Las-Vegastaǵy 20 myń adam siiatyn T-Mobile arenasynda ótedi, al biletterdiń bári satylyp ketken. Boks keshin HBO arnasy aqyly transliatsiialar júiesi arqyly kórsetedi.
