Ulttyq arnanyń aýqymdy ulttyq jobasy biyl da jalǵasyn tabady, dep habarlaidy Qamshy.kz aqparat agenttigi tilshisi.
Kórermen kóz aiymyna ainalǵan «Men qazaqpyn» halyqaralyq baiqaýynyń jalpy irikteý kezeńi aiaqtalyp, televiziialyq nusqasynyń alǵashqy ainalymynyń túsirilimi búgin máresine jetti.
Qatysýshylardan zamanaýi nemese avtorlyq shyǵarmalardy emes, dástúrli halyq án, kúi, termelerin oryndaýdy talap etiledi. Baiqaýdyń alǵashqy ainalymyna 54 ónerpaz qatysqan, onyń ishinde Mońǵoliiadan - 3, Reseiden - 2, Japoniiadan - 1 qonaq qatysýshy, qalǵany óz elimizden. Búgingi kelesi kezeńge joldama alatyn 32 úmitkerdiń esimi belgili bolady.
«Irikteý kezeńi belgili júie boiynsha aýyl, aýdan, oblys, al odan shyqqandar respýblikalyq televiziialyq túsirilimge joldama aldy. Odan bólek, halyqaralyq irikteý boldy. Qatysýshylardyń sanymen qatar, sapasy da joǵary dep aitýǵa bolady. Bul - ádilqazylardyń sózi», - deidi «Men qazaqpyn» jobasynyń avtory jáne bas prodiýseri Qýanysh Súleimenov.
«Halyqaralyq jobanyń biylǵy daiyndyq jumysy da erte bastaldy. Monǵoliiada irikteý jumystaryn memlekettik mereitoidyń ústinen túsip, jailaýda ótkizdik. Al, Reseiden irikteýdi Astrahan oblysynan jasadyq. Qytaidan ókinishke orai saiasi jaǵdaiǵa bailanysty ónerpaz shaqyra almai otyrmyz. Irikteý jumystary týraly kúndelik habar qyrkúiek aiynan bastap megajobamen birge kórsetiledi. Baǵdarlama qorytyndysy týraly jeltoqsan aiynda galakontsert ótedi», - deidi baǵdarlama prodiýseri Erjan Qojabekov. Onyń aitýynsha baǵdarlamaǵa qatysýǵa qyzyǵýshylar sany óte kóp. Halyqaralyq joba kelesi jyly da jalǵasyn tabýy múmkin. Oǵan Túrkiiadan, Ózbekstannan da ónerpazdar shaqyrylyp, aýqymy tipti de keńeie túspek.
Esterińizge salsaq, baǵdarlama qyrkúiek aiynan bastap demalys kúnderi keshki ýaqytta kórsetiledi.
