Bul týraly elordada ótken «Otbasy institýtyn damytý: Qoǵam, biznes, memleket» taqyrybyndaǵy koých-sessiiada aityldy, dep habarlaidy QazAqparat.
«Bul jerde memlekettik organ qyzmetkerleri, akademiianyń (QR Prezidenti janyndaǵy Ulttyq joǵary memlekettik basqarý mektebi) magistrleri men doktaranttary otyr. Shaqyrtýymyzdy qabyl alǵandaryńyz úshin raqmet. Osy jerde sýitsidti, zorlyq-zombylyq siiaqty faktilerdi azaitý úshin qandai sharalar qoldanýǵa bolatyny týraly sheshim qabyldanady», - dedi QR Prezidenti janyndaǵy memlekettik basqarý akademiiasynyń rektory Erlan Ábil.
Ol bul sharadan qandai nátije kútetinin aitty.
«Halqymyzda «El bolamyn deseń - besigińdi túze» degen sóz bar. Besikti túzemei, jarqyn bolashaqqa baramyz dep aita almaimyz. Bul sharada jaqsy pikirtalas bolyp, onyń nátijesi memlekettik organdar men biznes, qoǵam arasyndaǵy bailanysty nyǵaitady dep oilaimyn», - dedi ol.
Eske sala ketsek, buǵan deiin atalǵan koých-sessiiada elimiz otbasylyq qundylyqtardy damytatyn institýttarǵa muqtaj ekeni aitylǵanyn jazǵan bolatynbyz.
