بۇل تۋرالى ەلوردادا ٶتكەن «وتباسى ينستيتۋتىن دامىتۋ: قوعام, بيزنەس, مەملەكەت» تاقىرىبىنداعى كوۋچ-سەسسييادا ايتىلدى, دەپ حابارلايدى قازاقپارات.
«بۇل جەردە مەملەكەتتٸك ورگان قىزمەتكەرلەرٸ, اكادەمييانىڭ (قر پرەزيدەنتٸ جانىنداعى ۇلتتىق جوعارى مەملەكەتتٸك باسقارۋ مەكتەبٸ) ماگيسترلەرٸ مەن دوكتارانتتارى وتىر. شاقىرتۋىمىزدى قابىل العاندارىڭىز ٷشٸن راقمەت. وسى جەردە سۋيتسيدتٸ, زورلىق-زومبىلىق سيياقتى فاكتٸلەردٸ ازايتۋ ٷشٸن قانداي شارالار قولدانۋعا بولاتىنى تۋرالى شەشٸم قابىلدانادى», - دەدٸ قر پرەزيدەنتٸ جانىنداعى مەملەكەتتٸك باسقارۋ اكادەميياسىنىڭ رەكتورى ەرلان ەبٸل.
ول بۇل شارادان قانداي نەتيجە كٷتەتٸنٸن ايتتى.
«حالقىمىزدا «ەل بولامىن دەسەڭ - بەسٸگٸڭدٸ تٷزە» دەگەن سٶز بار. بەسٸكتٸ تٷزەمەي, جارقىن بولاشاققا بارامىز دەپ ايتا المايمىز. بۇل شارادا جاقسى پٸكٸرتالاس بولىپ, ونىڭ نەتيجەسٸ مەملەكەتتٸك ورگاندار مەن بيزنەس, قوعام اراسىنداعى بايلانىستى نىعايتادى دەپ ويلايمىن», - دەدٸ ول.
ەسكە سالا كەتسەك, بۇعان دەيٸن اتالعان كوۋچ-سەسسييادا ەلٸمٸز وتباسىلىق قۇندىلىقتاردى دامىتاتىن ينستيتۋتتارعا مۇقتاج ەكەنٸ ايتىلعانىن جازعان بولاتىنبىز.
