Memlekettik organdar barlyq aqparatty ashyq bólisip otyr. Bul týraly QR Memlekettik hatshysy Erlan Qarin málim etti, dep habarlaidy QazAqparat tilshisi.
«Bilik alǵashqy kúnnen-aq qarqyndy, ashyq aqparattyq saiasat júrgizdi. Ókinishke orai, eń alǵashqy kúnderi ashyq aqparattyq shabýylmen betpe-bet keldi. Teris habarlardyń, jalǵan aqparattardyń úlken legi jalǵasyp jatyr. Memlekettik organdarǵa, quqyq qorǵaý organdaryna ahýaldy turaqtandyrý is-sharalaryn qabyldaýdan bólek aqparattyq shabýylǵada alańdap, olarǵa toitarys berýgetýra keldi. Ókinishke orai, olar uiymdsqan túrde jan-jaqtan júzege asyrylyp jatyr teris aqparattyq shabýyldyń ishki de, syrtqy da kózderi bar. Sondyqtan alýan túrli kúsh-jigerdi qoldanýǵa týra keldi. Menińshe, biz ahýaldy shyn máninde jeńe aldyq»», - dedi Memlekettik hatshy «Habar 24» telearnasyna bergen suhbatynda.
Onyń atap ótýinshe, memlekettik organdar buqaralyq aqparat quraldaryna tikelei shyǵý ádisine kóship, barlyq aqparatty ashyq bólisip otyr.
«Máselen, ótken aptada Bas prokýratýra tótenshe jaǵdai áreket etken ýaqytta jáne ózge de oqiǵalar kezinde ustalǵan adamdardyń sany týraly aqparat taratty. Bul atalǵan másele tóńiregindegi ahýaldy birden ashyp berdi. Esterińizde bolsa, tipti amerikalyq jańalyq arnalary, onyń ishinde CNN Qazaqstanda 10 myńdai adamnyń ustalǵany týraly habar jariialady. Biraq, Bas prokýratýra barlyq mán-jaidy usynyp, aqparat taratty. Onda ákimshilik quqyq buzǵany úshin jalpy shamamen 2 myń adamnyń ustalǵany kórsetilgen. Osydan keiin birden Prezidenttiń árbir istiń mán-jaiyn anyqtap, aýyrlatatyn sátter bolmaǵan jaǵdaida jazany jeńildetý is-sharalaryn qabyldaý tapsyrmasy shyqty. Búginde Bas prokýratýra 1 400 tulǵaǵa qatysty jazany jeńildetý týraly ótinish berip, qazirdiń ózinde 400 adam bosatyldy», - dedi Erlan Qarin.
Sonymen qatar ol josparly jumystyń júrgizilip jatqanyn basa aitty.
«Esterińizde bolsa, Bas prokýratýranyń Densaýlyq saqtaý ministrliginiń ókilimen birge qaza tapqan azamattardyń sanyna qatysty birlesken brifingi boldy. Bul da atalǵan taqyryptaǵy túrli saýaldardy joidy. Ishki ister ministrligi oqiǵalardyń jalpy tizbegin usyndy. Bul da azamattarǵa sol kúnderdegi oqiǵalarǵa qatysty jalpy mán-jaidy uǵyný úshin múmkindik berdi. Árbir baǵytta nátijeler bar», - dedi Erlan Qarin.
