Nur-Sultan qalasynda Aqparat jáne qoǵamdyq damý ministri Aida Balaevanyń tóraǵalyǵymen Aqparatqa qol jetkizý máseleleri jónindegi komissiianyń kezekti otyrysy ótti.
Qashyqtan ótken otyrysqa ortalyq memlekettik jáne jergilikti atqarýshy organdardyń, kvazimemlekettik sektordyń, úkimettik emes jáne basqa da uiymdardyń ókilderi qatysty.
Otyrys barysynda Ashyq úkimet portaldaryn jáne Memlekettik organdardyń internet-resýrstarynyń biryńǵai platformasyn (MO IRBP) damytý, sondai-aq memlekettik organdardyń Memlekettik apparattyń biýrokratiialyǵyn tómendetý jónindegi jol kartasyn iske asyrýy týraly aqparat tyńdaldy.
Qabyldanyp jatqan sharalar men problemalyq máseleler, onyń ishinde memlekettik organdardyń «Ashyq derekter» portaldaryndaǵy jáne MO IRBP-daǵy resmi paraqshasyndaǵy aqparatty ýaqytyly ózektendirmeýi týraly Aqparat jáne qoǵamdyq damý vitse-ministri B.A. Tlepov baiandady.
Óz kezeginde ministr «Aqparatqa qol jetkizý týraly» Zańǵa sáikes barlyq memlekettik organdarda aqparatqa qol jetkizý máseleleri boiynsha anyqtalǵan ýákiletti tulǵalar osy máselelerdi baqylaýda ustaýy tiis ekenin atap ótti.
«Demek, olardyń tarapynan tiisti monitoring, úilestirý jáne baqylaý júzege asyrylmaidy. Búgin memlekettik organdar basshylarynyń nazaryn osyǵan aýdaramyn», - dedi Aida Balaeva.
Sonymen qatar Tsifrlyq damý, innovatsiialar jáne aeroǵarysh ónerkásibi vitse-ministri A.N.Turysov óz sózinde «Ashyq úkimet» jáne MO IRBP portaldaryn odan ári damytý, olardy iske asyrý tetikteri boiynsha usynystar jasady.
Óz kezeginde, A. Balaeva memlekettik organdar ókilderiniń eskertýleri men qoǵamdyq syn Ashyq Úkimet pen MO IRBP portaldarynyń jumysyn dereý jetildirý qajettigin aiǵaqtap otyrǵanyn atap ótti.
Sondai-aq ministr jeltoqsan aiynda komissiia otyrysynda TsDIAÓM-men atqarylǵan jumystar týraly aqparatty tyńdaýdy usyndy.
Otyrys qorytyndysy boiynsha komissiia aqparattandyrý salasyndaǵy ýákiletti organǵa jáne memlekettik organdarǵa «Ashyq úkimet» portaldarymen, memlekettik organdardyń internet-resýrstarynyń biryńǵai platformasymen jáne basqalarmen jumys sapasyn kúsheitý bóliginde birqatar usynymdar ázirledi.
