Áleýmettik jelide memlekettik týdan qapshyq jasap, qoqys tasyǵan júk kóliginiń videosy tarady, dep habarlaidy QazAqparat.
Video avtorynyń aitýynsha, bul oqiǵa Almatynyń Jetisý aýdanyndaǵy Bókeihanov kóshesinde senbilik ótip jatqan jerde bolǵan.
Iaǵni, qoqys shyǵarýǵa arnalǵan qapshyq ornyna elimizdiń memlekettik týyn qoldanǵan.
Osy oqiǵaǵa Jetisý aýdanynyń ákimdigi túsinik berdi.
«Videodaǵy arnaiy tehnika Almaty qalasy Jetisý aýdanynyń sanitarlyq tazalyǵyna jaýapty merdiger uiymdardyń eshqaisysyna tiesili emes. Sondai-aq Bókeihanov kóshesinde Jetisý aýdanynyń uiymdary senbilik ótkizbegenin habarlaimyz. Usynylǵan videoda Nur-Sultan qalasyna tiesili aimaq - 01 seriiasynyń memlekettik nómiri kórsetilgen», - dep jaýap berdi ákimdikten.
Sonymen qatar, Jetisý aýdany ákimdigi Nur-Sultan qalasynyń politsiia departamentinen avtokóliginiń kimge tiesili ekenin anyqtaýdy ótindi.
«Óz kezegimizde biz video avtoryn jalǵan aqparat bergeni úshin jaýapkershilikke tartý úshin Almaty qalasynyń politsiia departamentine aryz túsirdik», - dep atap ótti Almaty qalasy Jetisý aýdany ákimdiginiń ókilderi.
Aita keteiik, qazaqstandyqtarǵa 2020 jylǵa deiin týdy tipti balkonǵa ilýge ruqsat etilmegen edi.
Biraq artynsha qazaqstandyqtardyń zańdy qaita qaraý kerek degen ótinishinen keiin týdy qoldaný erejeleri qaita bekitildi.
