ەلەۋمەتتٸك جەلٸدە مەملەكەتتٸك تۋدان قاپشىق جاساپ, قوقىس تاسىعان جٷك كٶلٸگٸنٸڭ ۆيدەوسى تارادى, دەپ حابارلايدى قازاقپارات.
ۆيدەو اۆتورىنىڭ ايتۋىنشا, بۇل وقيعا الماتىنىڭ جەتٸسۋ اۋدانىنداعى بٶكەيحانوۆ كٶشەسٸندە سەنبٸلٸك ٶتٸپ جاتقان جەردە بولعان.
ياعني, قوقىس شىعارۋعا ارنالعان قاپشىق ورنىنا ەلٸمٸزدٸڭ مەملەكەتتٸك تۋىن قولدانعان.
وسى وقيعاعا جەتٸسۋ اۋدانىنىڭ ەكٸمدٸگٸ تٷسٸنٸك بەردٸ.
«ۆيدەوداعى ارنايى تەحنيكا الماتى قالاسى جەتٸسۋ اۋدانىنىڭ سانيتارلىق تازالىعىنا جاۋاپتى مەردٸگەر ۇيىمداردىڭ ەشقايسىسىنا تيەسٸلٸ ەمەس. سونداي-اق بٶكەيحانوۆ كٶشەسٸندە جەتٸسۋ اۋدانىنىڭ ۇيىمدارى سەنبٸلٸك ٶتكٸزبەگەنٸن حابارلايمىز. ۇسىنىلعان ۆيدەودا نۇر-سۇلتان قالاسىنا تيەسٸلٸ ايماق - 01 سەريياسىنىڭ مەملەكەتتٸك نٶمٸرٸ كٶرسەتٸلگەن», - دەپ جاۋاپ بەردٸ ەكٸمدٸكتەن.
سونىمەن قاتار, جەتٸسۋ اۋدانى ەكٸمدٸگٸ نۇر-سۇلتان قالاسىنىڭ پوليتسييا دەپارتامەنتٸنەن اۆتوكٶلٸگٸنٸڭ كٸمگە تيەسٸلٸ ەكەنٸن انىقتاۋدى ٶتٸندٸ.
«ٶز كەزەگٸمٸزدە بٸز ۆيدەو اۆتورىن جالعان اقپارات بەرگەنٸ ٷشٸن جاۋاپكەرشٸلٸككە تارتۋ ٷشٸن الماتى قالاسىنىڭ پوليتسييا دەپارتامەنتٸنە ارىز تٷسٸردٸك», - دەپ اتاپ ٶتتٸ الماتى قالاسى جەتٸسۋ اۋدانى ەكٸمدٸگٸنٸڭ ٶكٸلدەرٸ.
ايتا كەتەيٸك, قازاقستاندىقتارعا 2020 جىلعا دەيٸن تۋدى تٸپتٸ بالكونعا ٸلۋگە رۇقسات ەتٸلمەگەن ەدٸ.
بٸراق ارتىنشا قازاقستاندىقتاردىڭ زاڭدى قايتا قاراۋ كەرەك دەگەن ٶتٸنٸشٸنەن كەيٸن تۋدى قولدانۋ ەرەجەلەرٸ قايتا بەكٸتٸلدٸ.
