Memleket basshysynyń qaýlysymen 2018 jylǵy ádebiet pen óner salasyndaǵy memlekettik syilyǵynyń iegerleri anyqtaldy, dep habarlaidy "Ult aqparat" Aqordaǵa silteme jasap.
Elbasy qaýlysynyń tolyq mátinin nazarlaryńyzǵa usynamyz.
Qazaqstan Respýblikasynyń ádebiet pen óner salasyndaǵy memlekettik syilyǵyn berý jónindegi komissiianyń usynymdaryn qarap, QAÝLY ETEMIN:
1. Qazaqstan Respýblikasynyń 2018 jylǵy ádebiet pen óner salasyndaǵy memlekettik syilyǵy:
1) aqyn Tynyshtyqbek Ábdikákimovke – «Alqońyr dúnie» óleńder men balladalar jinaǵy úshin;
2) avtorlar ujymyna: Tóleýbek Nyǵmetuly Álpievke, Alan Asqaruly Bóribaevqa, Súndet Ábdirahmanuly Baiǵojinge, «Astana Opera» memlekettik opera jáne balet teatry» kommertsiialyq emes aktsionerlik qoǵamynyń shyǵarmashylyq ujymyna qatysýshylarǵa – «Abai» operasy (L. Hamidi, A. Jubanov) úshin;
3) avtorlar ujymyna: Aqan Qarǵambaiuly Sataevqa, Áliia Nursultanqyzy Nazarbaevaǵa, Timýr Qazbekuly Jaqsylyqovqa, Altynai Baýyrjanqyzy Nógerbekke, Ádil Eralyuly Ahmetovke – «Anaǵa aparar jol» tolyqmetrli kórkem filmi úshin;
4) aqyn Aqushtap Baqtygereiqyzy Baqtygereevaǵa – «Ana syry» óleńder men balladalar jinaǵy úshin;
5) aqyn Ótegen Oralbaiuly Oralbaevqa – «Shýaqty shaq» jyr jinaǵy úshin berilsin.
2. Osy Jarlyq resmi jariialanǵan kúninen bastap qoldanysqa engiziledi.
Qazaqstan Respýblikasynyń Prezidenti N.Nazarbaev
