Soltústik Qazaqstan oblysynda agroónerkásip keshenin damytý máseleleri boiynsha kezdesý barysynda Qazaqstan Respýblikasy Premer-Ministriniń orynbasary – Aýyl sharýashylyǵy ministri Ómirzaq Shókeev agroónerkásiptik keshende memlekettik saiasatty iske asyrýdyń birqatar jańa baǵyttary men tetikterin atap ótti.
Aǵymdaǵy jyly sharýalar kóktemde tuqym sharýashylyǵynan/tuqym satýshydan 1 reprodýktsiialy tuqymdy nemese elitalyq tuqymdy eń tómengi norma boiynsha tegin alýdy kózdeitin tuqym sharýashylyǵyn sýbsidiialaýdyń jańa tetigi iske asyrylatyn bolady. Óz kezeginde, memleket tuqym óndirýshige norma boiynsha shyǵarylǵan tuqymdardyń tolyq qunyn óteidi.
Bul rette sharýa kúzde egindi jinap bolǵannan keiin Tuqym sharýashylyǵyn damytý qoryna tuqym qunynyń 30% qaitaratyn bolady, qor qaitarylǵan qarajatty jinaqtaidy jáne ony attestattalǵan tuqym óndirýshiler úshin tómengi paiyzdyq mólsherlememen (1-2%) negizgi quraldy (tehnika men jabdyq) satyp alý men jańartýdy qarjylandyrýǵa baǵyttaidy. Bul tetikti iske asyrý 2021 jylǵa qarai 3 reprodýktsiiadan tómen emes tuqymmen 100% sebýdi qamtamasyz etýge múmkindik beredi.
Mineraldy tyńaitqyshtarǵa qatysty. Aǵymdaǵy jylǵy sýbsidiiany alýǵa ótinim berý jáne olarǵa tólem júrgizý elektrondy túrde júzege asyrylady, iaǵni sýbsidiialaý protsessi tolyq avtomattandyrylǵan. 446 myń tonna tyńaitqyshqa, onyń ishinde kóktemgi dala jumystary kezeńine 270 myń tonnaǵa ótinim berdi. Mamyr aiynyń ortasynda 93 myń tonna tyńaitqysh nemese ótinim berilgen kóleminen 21% agrariilerge jetkizildi.
Jinalys barysynda sútti mal sharýashylyǵy men shoshqa sharýashylyǵy boiynsha jańa baǵdarlamalar usynyldy.
Sútti mal sharýashylyǵyn damytý baǵdarlamasy sút ónimderin importtyq almastyrýǵa baǵyttalǵan. Jalpy alǵanda jyldyq mólsherlemesi 4% quraityn 15 jylǵa deiingi merzimge deiin qarjylandyra otyryp, sútti-taýarly jáne ónerkásiptik fermalardy qurý josparlanýda. Óndiriletin sútke taýarlyq sýbsidiialardyń ornyna, investitsiialaý úshin sýbsidiialardy jáne nesieler men lizing boiynsha paiyzdyq mólsherlemelerdi qoldaý sharalary qarastyrylady.
Shoshqa sharýashylyǵyn damytý baǵdarlamasynda Qytai men Resei Federatsiiasy naryǵyna et ónimderin eksporttaýdy damytýǵa erekshe kóńil bólinedi.
Ekonomikalyq turǵydan perspektivalyq jobalardy qoldaý jáne damytý sheńberinde etti mal sharýashylyǵy, sút óndirisi, qaita óńdeýshi sala boiynsha zákirli kooperatsiia bolatyn oblystyń birqatar iri ónerkásiptik keshenderiniń jumysymen tanysty.
Atalǵan sharalardy iske asyrý agroónerkásiptik keshendegi eńbek ónimdiligin jáne óńdelgen aýyl sharýashylyǵy ónimderin eksporttaýdy kem degende 2,5 ese arttyrýǵa múmkindik beredi.
