Bul týraly QSZI saiasi zertteýler bóliminiń meńgerýshisi Ermek Toqtarov málimdedi, dep habarlaidy Baq.kz agenttigi.
"Memleket basshysy Ulttyq ǵylymi akademiiasynyń sessiiasynda sóilegen sózinde óte mańyzdy máseleni kóterdi. Birinshiden, shyn máninde ǵylymi zertteýler úshin qarjylyq múmkindikterdiń aýqymy keńeidi. Bul ǵalymdarǵa aldaryna asa kúrdeli mindetterdi qoiyp, ǵylymǵa joǵary bilikti mamandardy tartýǵa múmkindik beredi. Ulttyq ǵylym akademiiasyna memlekettik mártebe berý akademikter qaýymdastyǵynan úlken jańalyqtarǵa jol ashady", - dep atap ótti saiasi zertteýler bóliminiń meńgerýshisi.
Sondai-aq ol jas ǵalymdarǵa erekshe kóńil bólinetindigine toqtaldy.
"Ekinshiden, jas ǵalymdar men olardyń ziiatkerlik áleýetine asa nazar aýdarylady. Ǵylymǵa eńbek etetin mamandar daiarlaý zertteý ýniversitetterinen bastalyp, doktorantýrada jalǵasyn tabady jáne postdoktorantýranyń baǵdarlamasynda beki túsedi. Búgingi tańda elimizde bilikti kadrlar daiarlaýdyń tolyq tsikli bar. Osy resýrstardy tiimdi ári utymdy paidalanýdyń mańyzy zor. Jaqyn bolashaqta qabyldanatyn is-sharalar mýltiplikativtik nátijege alyp keleri sózsiz. Jalpy biz memlekettik saiasatta adami kapital men eldiń ziiatkerlik áleýeti basymdyqqa ie ekendigin kórip otyrmyz", - dedi sarapshy.
Eske sala keteiik, keshe Prezident Qasym-Jomart Toqaev Ulttyq ǵylym akademiiasynyń 75 jyldyǵyna arnalǵan saltanatty sessiiada Bilim jáne ǵylym ministrligin eki vedomstvoǵa bólýdi usynǵan bolatyn. Memleket basshysy olardyń biri joǵary bilim jáne ǵylym máselelerimen ainalysatynyn alǵa tartty. Sondai-aq Prezident ǵylymi-zertteý jumystarynyń sapasyn arttyrý máselesine de toqtaldy.
